Toshkent Farmatsevtika Instituti

ELEKTRON KUTUBXONASI

Axborot-resurs markazi haqida

Axborot resurs markazi yangiliklari 

 

Toshkent farmatsevtika instituti axborot-resurs markaziga xush kelibsiz. 

Toshkent farmatsevtika instituti kutubxonasi institut tashkil qilingan 1937 yildan beri faoliyat ko‘rsatib kelmoqda. 2006 yil 20 – iyundagi “Respublika aholisini axborot – kutubxona xizmati bilan ta’minlashni tashkil qilish haqida” gi O‘zbekiston Rempublikasi Prezidenti farmoyishiga asosan oliy ta’lim kutubxonalari axborot – resurs markazi maqomini oldilar. Mazkur Farmoyishni ijrosini ta’minlash maqsadida Toshkent farmatsevtika institutida 2007 yil 21 fevraldagi 32-son buyruq imzolangan va unga asosan kutubxona Axborot – resurs markazi (keyingi o‘rinlarda ARM deb ataladi) maqomini olgan. O‘z faoliyatida ARM O‘zR qonunlariga, O‘zR Prezidenti farmoyishlariga, OTV va SSV buyruqlariga hamda institut rahbariyati ko‘rsatmalariga asoslanib ish olib boradi. ARM an’anaviy tamoilga asosan alifboli, tizimli, bosh topografik kataloglar, hamda bibliografiya kartotekalari asosida ish yuritiladi. Kartotekalarning turli tematikasi kitobxonlarga zarur materialni topishga imkon beradi. Institut sobiq rektori H.X.Xolmatov tomonidan tuzilgan “Dorivor o‘simliklar kartotekasi” alohida qiziqish uyg‘otadi. Referativ jurnallar uni tuzishga manba bo‘lib xizmat qiladi. O‘z mazmuniga ko‘ra bu kartotekani noyob hisoblash mumkin.

Hozirgi kunda Farmatsevtika institutining ARMi anchagina katta. ARM fondi davlat, rus va chet tillaridagi 367343 kitobga ega. Fond o‘z tarkibiga ko‘ra xilma-xil: darliklar, o‘quv qo‘llanmalar, o‘quv-uslubiy qo‘llanmalar, ilmiy, badiiy adabiyotlar, dissertatsiyalar, avtoreferatlar, diplom ishlari, ma’ruza matnlari, vaqtli matbuot, shuningdek CD disklar, videokassetalar (ilmiy va o‘quv adabiyotlarning elektron versiyalari) dir. Kitoblar orasidaXVII – XIX asrlar farmatsiyasiga doir nodir nashrlar ham mavjud.

 

ARM – abonement orqali, asosiy o‘quv zali va talabalar uyidagi o‘quv zallari hamda “Internet – sinf”i orqali 2910 dan ortiq kitobxonga xizmat ko‘rsatmoqda.

ARM egallagan maydon – 500m2.

ARM quyidagi bo‘limlardan iborat:

  • adabiyotlarni taxlash va ilmiy ishlab chiqish bo‘limi;
  • kataloglashtirish va saqlash bo‘limi;
  • xizmat ko‘rsatish bo‘limi;
  • axborot – bibliografiya sektori.

Oxirgi yillar ichida ARMga institut rektori, professor-o‘qituvchilari tomonidan xorij xizmat safarlaridan olib kelingan katta miqdordagi o‘quv va ilmiy adabiyotlar xadya qilinmoqda. Ushbu adabiyotlarga talabalar tomonidan qiziqish juda katta. Institutimiz chiqaradigan “Farmatsevtika” ilmiy jurnali Ukrainaga ham taqdim qilinadi.

ARM yil davomida bir necha marta anketa – so‘rovnomalar o‘tkazib turadi. Ularda xilma-xil muammolar ko‘rib chiqiladi. Anketalar tahlili ishdagi muhim joylarni aniqlashga imkon beradi.

Toshkent farmatsevtika instituti ARM xodimlari:

F.I.SH.

Lavozim

Xolmurodova F.N.

ARM mudiri

Bahodirova D.B.

Xizmat ko’rsatish bo’limi mudiri

Irgasheva R.U.

Jamlash bo‘limi mudiri

Ikramova X.R.

Etakchi kutubxonachi

Romanova O.L.

Etakchi kutubxonachi

Abdullayeva D.

Uslubchi

Akromova M.A.

kutubxonachi

Axmedova F.Z.

kutubxonachi

Xusainova D.

kutubxonachi

Pulatova M.SH.

kutubxonachi

Sayfullaeva M.

kutubxonachi

Rahmatullayev X.

kutubxonachi

2012 o‘quv yilida ARMni moddiy-texnika bazasini mustahkamlash, darslik va o‘quv qo‘llanmalar holati, shuningdek 20 ta yangi zamonaviy kompyuter texnologiyalari bilan jixozlash ishlari amalga oshirildi. ARM davlat ta’lim standarti talabiga javob beradigan zamonaviy kompyuter texnikasi (27 ta kompyuter, nusxa ko‘chirish, printer va skanner apparati) hamda turli dasturlardan samarali foydalanilmoqda.

ARM ning kompyuterlariga joylashtirilgan, hamda internet va lokal tarmog‘idagi bazasida talabalarning foydalanishlari uchun 2748 ta CD-disk va elektron shakldagi darslik, o‘quv qo‘llanmalar, badiiy adabiyotlar, Prezident asarlari, ensiklopediyalar, ingliz tilidagi adabiyotlar va h.k.lar bor. Ulardan 155 tasi CD ko‘rinishidagi “oltin meros” bo‘lib, institut professor-o‘qituvchilari tomonidan olib borilgan mashg‘ulotlar yozilgan. Qolganlari esa sotib olingan va be’g‘araz yordam sifatida MDX davlatlaridan keltirilgan, talabalar tomonidan hadya qilingan adabiyotlarning elektron ko‘rinishidagilardir. ARM SSV portalida va “ZiyoNet” tarmog‘ida o‘z saytiga ega. ARM “ARMAT” dasturida ishlaydi va  korporativ tarmoqqa ulangan. Lokal tarmoqning tezligi 100 mb/s, hamda Internet va Ziyo-Net tarmog‘ining tezligi 4 mb/s. Talabalarga yanada qulaylik yaratish maqsadida “Talabalar turar joyi” dagi ARMning filialida “Internet” tarmog‘i orqali xizmat ko‘rsatish ishlari yo‘lga qo‘yilgan.

Hozirgi kunda ARM fondining zaruriy o‘quv adabiyotlari elektron shaklga o‘tkazilmoqda. ARMda http://karmat.edu/ tizimi – Vazirlik korpotativ tarmog‘idan foydalanish asosida yo‘lga qo‘yilgan. ARMAT tizimida hozirgi kunda 33409 ta bibliografik yozuv mavjud. Armat tizimida 660 nafar foydalanuvchilar ro‘yxatdan o‘tkazilgan va shaxsiy kabineti shakllantirilmoqda.

Toshkent farmatsevtika instituti Alisher Navoi nomidagi O‘zbekiston milliy kutubxonasi bilan hamkorlik ishlarini olib borish maqsadida, hamda xorijiy mamlakatlarning masalan: EBSCO, Oxford University Press, ProQuest, Springer va h.k. oliy ta’lim muassasalaridagi elektron bazalaridan ilmiy izlanuvchilarning foydalanishlari uchun shartnoma tuzildi.

ARM o‘z ishini muntazam takomillashtirib borishi kerak. Har qanday qiyinchiliklarga qaramay, eng ilg‘or ishlarni hayotga faol tadbiq etishi hamda madaniyat va axborot markaziga aylanishi lozim.

 

 


Bizning manzil: 100015, Toshkent, 45, 
    Oybek ko‘chasi, "Oybek" metro bekati,
    Toshfarmi AT markazi.
    Tel.: +99(871)256-18-74
          +99(871)252-67-60
    Faks: +99(871)256-45-04
    E-mail: tfiatm@pharmi.uz